Lasterketaren hasiera eta bukaera herriko Pasalekuan kokatzen da. Bertatik irten eta hasierako kilometro eta erdia asfaltoz da, mendira sartu aurretik. Hau behin pasata Lumora igoera hasten da Donejakue bidetik. Aldapa gogor eta laburra da Lumora eramaten duena, eta San Pedro ermitara heldu baino lehen igotzen jarraitzen dugu Metxikara bidean arbola artean bide estuetatik zehar. Behin Gañagara helduta berriz ere asfaltoan zati txiki bat egin ostean Maigako tontorrera igotzen gara. Miagatik, bide zidorretatik zehar, Metxika eta Foruko mugara heltzen gara, bertan anoa postu bat egongo delarik. Ondoren aldapa txiki bat igo ostean, baso eta arbola artean dena beheraka dela esan dezakegu pista zabal eta mehetatik korrika eginez, Busturira bidean San Kristobal auzoan barneratuz.
Artaditik barrena Foruko harrizko harrobira hurbilduz Busturiatik. Harrobira heldu aurretik anoa postu bat egongo da, bertan,arbola arte batetik, Baldatika auzo azpirantz jaisten delarik. Hortik aurrera, arbola eta lokatz arteko ibilbide erakargarri batetik jarraitzen du ibilbideak. Behin gora behera txiki baina gogorak egin da, Gernikatik Lumora doan bidera jaisten gara, eta bertan asfaltotik jaisten da Pasealekurarte.
Ibilbidea, Gernika eta inguruetako bidezidor eta mendietatik izango da. Orotara 18km izango ditu, gutxi gora-behera 900 m desnibel positiboa eta beste 900 metroko desnibel negatiboa. Ibilbideko punturik nabarmenetako batzuk: Lumo, Gainaga, Maiaga, eta Foruko kantera dira.
Aurretiko inskripzioetan 300 parte hartzaile onartuko dira, hala ere, egunean bertan inskribatzeko aukera egongo da.
Urdaibaiko Erreserbaren baitan egonik (beste edozein lekutan ere), mendiarekiko eta naturarekiko begirunez jokatuko dugu denok. Saiakera berezia egin da ibilbidearen diseinuan, edertasuna eta tramuen konplexutasuna bilatu nahian. Parte hartzaileek Urdaibai-Kopako baldintzak eta araudiak onartuko dituzte.